熨衫,其實好簡單

Impressed洗衣貼士0 Comments

每次當你洗完衫同乾完一堆潔淨既衣物之後,又黎到熨衫嘅時候喇!熨好左既衣物除左令人望落去整齊同有條理, 同時可以令你嘅衣物壽命更加延長。但係每次熨衫嘅時候,大家都好容易係熨之前忘記留意衫上面嘅標櫼,令到過程又耐左麻煩左。最怕嘅係一個唔小心就會熨燶左你最心愛嘅恤衫或者裙!想熨衫過程變得更容易同順利其實好簡單。跟住我地今期提供嘅熨衫小步驟,咁就可以令你以後每次熨衫都可以更易掌握當中嘅技巧啦!

做足準備功夫
當你將熨衫板同熨斗都準備好後,可以先將衣物根據溫度(最低溫至最高溫)分類好。例如絲質嘅衣物可用低至中溫(最高350°F),毛冷類可用中至高溫,而麻質或綿質則可用高溫(最高400°F to 425°F)。 由於選擇適合衣物嘅溫度係非常重要,調較合適溫度後,先讓熨斗冷卻幾分鐘,然後就可以開始熨衫。

CR-Home-AH-Ironing-Tips-For-Good-Clothes-03-16

千其唔好打圈
熨衫既時候,有時我地會以打圈嘅方式係衫上面熨。但其實呢個方法會刮到衣服物料嘅表面,令到衣物嘅壽命減短同無咁耐穿。以後記得熨嘅時候,用直熨及前後來回嘅方式,咁就唔會破壞到本身衣物嘅物料同熨完之後會更加無咁容易起皺。

Ironing

特別處理深色衣物
相信大家都試過熨深色衣物嘅時候,由於溫度過熱,好容易會留低一個又一個光亮嘅印係衣服上面。想防止呢個情況發生,首先將衣物反轉,再係較厚同唔顯眼嘅範圍先試熨一至兩下。如果你發現衣服嘅物料同熨斗有黏係一齊或者有印,咁就要檢查多次溫度同輕力咁熨。

Back-to-black-ironing

加錫紙,簡單又省時
唔想浪費太多時間係熨衫?只要將一塊比熨衫板細3分之1嘅錫紙係熨衫板同熨衫板套之間,熨斗嘅熱力會反射於錫紙上。咁當你熨緊其中一面嘅時候就會同時熨埋另一面。呢個簡單小貼士絕對係慳時間首選!

ElBokehwall-Setup-3-640x427

記得將熨完衫後將熨斗關上,放係小朋友無咁容易可以接觸到既地方,等冷卻後就可以放回所屬嘅位置。大家記得留意我地下期嘅Blog針對不同獨特衣物嘅熨衫貼士喇!

 

Leave a Reply

Your email address will not be published. Required fields are marked *