簡易整理衣櫃四步曲

Impressed生活小貼士0 Comments

就算買左幾多靚衫都好,一打開個衣櫃發現笠笠亂就真係咩心情都無晒!相反一個整整齊齊嘅衣櫃,除左可以更加有條理之外,仲可以幫到你搵到想著嘅衫!雖然想重新好好咁整理屋企嘅衣櫃可能會廢時同麻煩,所以我地為大家挑選左幾個整理衣櫃嘅必備貼士同方法,咁就可以幫你嘅衣物用最快嘅時間達到最整潔嘅效果!   擺脫所以唔著嘅衫 放棄同清走一直唔著嘅衫係整理衣櫃中最重要嘅一個步驟。如果你已經差唔多兩年都無著過件衫的話,將來你會再著嘅機會根本係微乎其微。但如果你覺得就咁就將衣物當垃圾咁扔左好似好浪費的話,其實可以考慮將唔要嘅衣物捐比慈善機構又或者將佢地包好放係屋企附近嘅舊衣回收箱,咁就唔浪費又可以幫到人啦! 高質素嘅衣架 當你開始用質料好嘅衣架,你就會發現同平時用嘅鋼線衣架有好大嘅分別!好嘅衣架可以係用不同嘅物料例如木,鐵或者塑料造成。但無論你選擇邊一種都好,記得購買之前要睇清楚同衡量一下呢D衣架係咪可以承受到要掛嘅衣物嘅重量。 聰明分類法 聰明地將你嘅衣物分類,可以幫你快捷地係衣櫃裹面搵到你想要搵嘅衣物。當中分類都有幾種唔同嘅方法:根據顏色,衣服類型又或者由上裝到下裝(T恤,冷衫等送上面,褲或者裙放下面)。分好後你會發現要係衣櫃到搵需要嘅衫褲其實一啲都唔難! 真空收納袋 對於衣櫃同衣服嘅收納方法,真空收納袋絕對係功不可沒!只要將衣物收入收納袋後,用吸塵機將袋內空氣全部吸走,而且係一般家品店就可以買得到。完成後,可以將一包包真空左嘅衫放係床下底,梳化低或者其他最方便你屋企嘅地方,直到換季時先再拎出黎。 如果你已經準備就綷,為你嘅衣櫃黎一個大翻身的話。不如藉住呢個機會先將衣櫃清潔好,係放番所有衣物入去前先清走所有塵埃,咁就可以保持衣物乾爽同潔淨啦!

Vol.15: Smart and Easy Ways to Organize Your Wardrobe

ImpressedLife hacks0 Comments

A messy closet doesn’t contribute to anyone’s happiness. But a well-organized wardrobe, at the very least, gives you a sense of relief at finally finding that sweater that has been hiding at the back for a month. Does it sound familiar to you? Even though de-cluttering your closet can be overwhelming, that’s why we have picked the top tips to … Read More

擊走夏天常見四大污漬!

Impressed洗衣貼士, 生活小貼士0 Comments

係草地上享受陽光,戶外BBQ,雪糕等等都代表住炎炎夏日嘅來臨,但絕對唔代表要將玩完或者飲食後嘅污漬留係衫上面!但如果真係咁唔好彩中左招的話亦都唔洗怕!雖然可能要浪費小小時間同心機去漬,但只要用正確嘅方法同技巧,就可以好輕易咁將呢D普遍夏天帶黎嘅污漬清走! 雪糕 試問有邊個係咁熱嘅天氣嘆番杯凍一凍又Creamy嘅雪糕呢?如果雪糕溶嘅時候滴左係衫上面的話,可以先用牙刷盡量將表面嘅雪糕先刷走,用凍水沖一沖後再倒適量嘅洗衣液係污漬上面。完成後就可以如常用暖水係洗衣機清洗,如果洗前仲有污漬的話,可以重覆以上步驟。 防曬產品 最佳預防方法就係搽完防曬液後,等佢地徹底乾透先著衫。因為好多時防曬產品會於洗完晒衫後先會係衣物上現形!當防晒液真係留左係衫上面的話,可以用一把圓頭嘅牛油刀先將多餘嘅防曬液刮走,再灑適量嘅梳打粉係污漬上面將多餘油分吸走,乾左之後就可以放入機洗。 醬汁 無論係意粉醬或者係熱狗同三文治上必備嘅茄汁,醬汁係夏天其中一個最常遇到嘅污漬。 由於醬汁同樣有油分,所以同樣地先用一把牛油刀先將多餘嘅醬汁盡量刮走,再用一塊抺布輕力地將污漬擦乾。如果仲係未能完全去走污漬,可以用半個檸檬係污漬上來回地擦(記得係衫上面唔顯眼嘅地方試左先!)。 冰茶 無野係30幾度之下飲番杯透心涼嘅冰茶!好消息係一般冰茶相比起熱茶係無咁易被衣服纖維吸收。如果唔小心滴左茶係衫上面的話,只要係茶漬上面用粒冰係上面擦,然後用廚房紙巾係污漬上面印乾。番到屋企後,直接係茶漬上面加小許洗衣液,等5分鐘後就可以放入洗衣機清洗。如果有需要,亦都可以加小許漂白水達致更理想嘅清潔效果!

Vol.14: Say Goodbye to 4 Most Common Summer Stains

ImpressedLaundry Tips, Life hacks0 Comments

While sunshine, barbecue, ice cream and grass stains may mark the start of summer, it doesn’t mean they need to mark on your clothes. If you find these stains on your clothes, don’t panic! It might take some effort to remove them, but with the right treatments and techniques, you can get these stains out effortlessly!   Ice-cream Who doesn’t … Read More

如何去除衫上嘅汗漬?

Impressed洗衣貼士0 Comments

炎炎夏日加上衫上面液下嘅汗漬…相信身邊總有一兩個朋友甚至係你自己遇到著左白色恤衫後,液下留底一撻撻黃色漬呢種咁尷尬嘅情況。有時候,特別係夏天重覆咁著淺色嘅恤衫,呢種情況都係好難避免得到。但係同時都唔代表呢D咁難攪嘅污漬要永遠都留係衫上面!今日小編就會教教大家點樣可以輕易地清走同埋點樣可以預防液下嘅汗漬! 檸檬汁 大家都知道檸檬本身都強大嘅清潔效用,因為非常容易同埋好易就可以買都得到。 只要將適當嘅檸檬汁同水溝埋,然後倒係有污漬嘅範圍上面,然後用手慢慢擦,直到污漬淡色為止。如果屋企真係無檸檬的話,鹽都可以將污漬清走。 白醋 將一湯匙嘅白醋加入半杯嘅水,然後將整件衫加入去混合劑,浸大概30分鐘後就可以拎去洗衣機洗。如果D汗漬真係太頑強的話,你可以係有漬嘅範圍先輕力刷幾下,最後先放入洗衣機。 梳打粉 首先將一大湯匙嘅梳打粉同半杯水溝埋,攪拌至糊狀。係有污漬嘅地方塗上適量嘅份量後,等幾分鐘,然後就可以清洗。你可能會覺得呢個方法有D奇怪,但係其實梳打粉本身有天然嘅潔淨效能,同時更可以將汗中嘅蛋白質軟化分解,令到汗漬可以更易清除! 防止小貼士 先著一件白色嘅汗衣打底,棉質嘅衫會提供更高嘅吸汗效能。. 唔好用過多嘅止汗劑,只要薄薄嘅一層已經足夠。唔係愈多就愈代表到可以更有效防止留汗或者減小體味。只要用嘅時候,覆蓋到所需範圍就可以。 將洗好嘅白色恤衫係室內或室外晾乾,因為乾衣機會令未完全清走嘅污漬鎖實係衫嘅纖維入面。 如果洗完後發現仍然有淺餘嘅汗漬,可以重覆使用上面嘅方法清洗直至效果滿意為止。    

Vol.13: How to Remove Sweat Stain?

ImpressedLaundry Tips0 Comments

Yellow armpits stain…probably someone you know or yourself has probably suffered the shame and embarrassment of wearing a dress shirt with dingy, yellow stains from the armpits. Sometimes, sweat stains are unavoidable, especially with dress shirts that get worn repeatedly. However, sweat stains don’t have to permanently stain the item. Today we’re going to show you how you can easily … Read More