清洗泳衣之最佳方法

Impressed洗衣貼士0 Comments

呢個星期嘅香港簡直係熱到人都溶,最岩就係一家大細或者同朋友去泳池或者沙灘到游水同曬太陽!當然亦都係泳衣出動嘅時候,一般泳衣嘅價錢都唔平,所以如果正確地幫泳裝清洗可以有助令物料等等保持得更耐。 無論你係間唔中先著或者日日都會用到泳裝,泳裝中嘅物料都會被泳池中嘅化學物質,太陽,沙,防曬液同天氣溫度而有所影響。咁到底要點樣清洗先為止最正確呢? 清洗方法 無錯,一般大家去完沙灘或者泳池之後,好自然地就會將佢地直接放入洗衣機洗。但如果想達到最理想,令到泳衣更耐穿的話,可以先開一盤清水,之後加入肥皂再用手清洗。如果單單用清水的話,未必可以將泳衣內嘅化學物質或者沙等等清走。我地建議先將泳裝先反轉,咁洗嘅時候就無咁客易破壞到外面嘅物料喇!   晾乾方法 通常洗完泳衣或泳褲之後,真係好想就咁擰乾佢地,但其實咁樣可能係最快嘅方法,但同時會令泳裝更易失去彈性!如果你真係好需要快乾的話,可以先將泳衣放係一條乾毛巾上面,連埋毛巾一齊捲起,之後再輕力擰乾。 如果時間許可的話,比泳衣係室內自然地乾。千萬唔好掛係室外,因為陽光會令到衣物出現走色嘅情況。 保持泳裝更持久,耐穿小貼士: 唔好將泳衣或泳褲掛係鐵嘅衣架上面。因為掛起除左會影響到泳裝本身嘅形狀之外,鐵嘅物料有可能會留低生銹嘅漬,咁到時就非常之難先可以清洗得到! 無論你係坐係泳池邊,木或者比較粗糙嘅表面,坐之前先用毛巾墊好。咁就唔怕泳衣會被勾爛或者染到任何其他污漬。 如果你係經常會出海或者游水,買兩套泳裝亦都係一個好方法!經常交替穿著可以同時保持到每套泳裝壽命更持久。

Vol.16: The Right Way to Wash and Take Care Swimsuit

ImpressedLaundry Tips0 Comments

While the heat and summer has already approached to Hong Kong, it means time to have some fun with your friends and family at the beach! Swimming suits are somewhat on the expensive side of clothing and learning how to take care of them properly will help keep you looking great all season long. Whether you wear a swimsuit daily … Read More

簡易整理衣櫃四步曲

Impressed生活小貼士0 Comments

就算買左幾多靚衫都好,一打開個衣櫃發現笠笠亂就真係咩心情都無晒!相反一個整整齊齊嘅衣櫃,除左可以更加有條理之外,仲可以幫到你搵到想著嘅衫!雖然想重新好好咁整理屋企嘅衣櫃可能會廢時同麻煩,所以我地為大家挑選左幾個整理衣櫃嘅必備貼士同方法,咁就可以幫你嘅衣物用最快嘅時間達到最整潔嘅效果!   擺脫所以唔著嘅衫 放棄同清走一直唔著嘅衫係整理衣櫃中最重要嘅一個步驟。如果你已經差唔多兩年都無著過件衫的話,將來你會再著嘅機會根本係微乎其微。但如果你覺得就咁就將衣物當垃圾咁扔左好似好浪費的話,其實可以考慮將唔要嘅衣物捐比慈善機構又或者將佢地包好放係屋企附近嘅舊衣回收箱,咁就唔浪費又可以幫到人啦! 高質素嘅衣架 當你開始用質料好嘅衣架,你就會發現同平時用嘅鋼線衣架有好大嘅分別!好嘅衣架可以係用不同嘅物料例如木,鐵或者塑料造成。但無論你選擇邊一種都好,記得購買之前要睇清楚同衡量一下呢D衣架係咪可以承受到要掛嘅衣物嘅重量。 聰明分類法 聰明地將你嘅衣物分類,可以幫你快捷地係衣櫃裹面搵到你想要搵嘅衣物。當中分類都有幾種唔同嘅方法:根據顏色,衣服類型又或者由上裝到下裝(T恤,冷衫等送上面,褲或者裙放下面)。分好後你會發現要係衣櫃到搵需要嘅衫褲其實一啲都唔難! 真空收納袋 對於衣櫃同衣服嘅收納方法,真空收納袋絕對係功不可沒!只要將衣物收入收納袋後,用吸塵機將袋內空氣全部吸走,而且係一般家品店就可以買得到。完成後,可以將一包包真空左嘅衫放係床下底,梳化低或者其他最方便你屋企嘅地方,直到換季時先再拎出黎。 如果你已經準備就綷,為你嘅衣櫃黎一個大翻身的話。不如藉住呢個機會先將衣櫃清潔好,係放番所有衣物入去前先清走所有塵埃,咁就可以保持衣物乾爽同潔淨啦!

Vol.15: Smart and Easy Ways to Organize Your Wardrobe

ImpressedLife hacks0 Comments

A messy closet doesn’t contribute to anyone’s happiness. But a well-organized wardrobe, at the very least, gives you a sense of relief at finally finding that sweater that has been hiding at the back for a month. Does it sound familiar to you? Even though de-cluttering your closet can be overwhelming, that’s why we have picked the top tips to … Read More

擊走夏天常見四大污漬!

Impressed洗衣貼士, 生活小貼士0 Comments

係草地上享受陽光,戶外BBQ,雪糕等等都代表住炎炎夏日嘅來臨,但絕對唔代表要將玩完或者飲食後嘅污漬留係衫上面!但如果真係咁唔好彩中左招的話亦都唔洗怕!雖然可能要浪費小小時間同心機去漬,但只要用正確嘅方法同技巧,就可以好輕易咁將呢D普遍夏天帶黎嘅污漬清走! 雪糕 試問有邊個係咁熱嘅天氣嘆番杯凍一凍又Creamy嘅雪糕呢?如果雪糕溶嘅時候滴左係衫上面的話,可以先用牙刷盡量將表面嘅雪糕先刷走,用凍水沖一沖後再倒適量嘅洗衣液係污漬上面。完成後就可以如常用暖水係洗衣機清洗,如果洗前仲有污漬的話,可以重覆以上步驟。 防曬產品 最佳預防方法就係搽完防曬液後,等佢地徹底乾透先著衫。因為好多時防曬產品會於洗完晒衫後先會係衣物上現形!當防晒液真係留左係衫上面的話,可以用一把圓頭嘅牛油刀先將多餘嘅防曬液刮走,再灑適量嘅梳打粉係污漬上面將多餘油分吸走,乾左之後就可以放入機洗。 醬汁 無論係意粉醬或者係熱狗同三文治上必備嘅茄汁,醬汁係夏天其中一個最常遇到嘅污漬。 由於醬汁同樣有油分,所以同樣地先用一把牛油刀先將多餘嘅醬汁盡量刮走,再用一塊抺布輕力地將污漬擦乾。如果仲係未能完全去走污漬,可以用半個檸檬係污漬上來回地擦(記得係衫上面唔顯眼嘅地方試左先!)。 冰茶 無野係30幾度之下飲番杯透心涼嘅冰茶!好消息係一般冰茶相比起熱茶係無咁易被衣服纖維吸收。如果唔小心滴左茶係衫上面的話,只要係茶漬上面用粒冰係上面擦,然後用廚房紙巾係污漬上面印乾。番到屋企後,直接係茶漬上面加小許洗衣液,等5分鐘後就可以放入洗衣機清洗。如果有需要,亦都可以加小許漂白水達致更理想嘅清潔效果!

Vol.14: Say Goodbye to 4 Most Common Summer Stains

ImpressedLaundry Tips, Life hacks0 Comments

While sunshine, barbecue, ice cream and grass stains may mark the start of summer, it doesn’t mean they need to mark on your clothes. If you find these stains on your clothes, don’t panic! It might take some effort to remove them, but with the right treatments and techniques, you can get these stains out effortlessly!   Ice-cream Who doesn’t … Read More